أيتن عامر ترد على الساخرين من حلقتها في "معكم"

"إيلاف" من القاهرة: ردت الفنانة أيتن عامر على الساخرين من الفقرة التي ظهرت فيها مع الإعلامية منى الشاذلي في برنامج "معكم منى الشاذلي".  حيث ظهرت للحديث عن تجربتها في اتخاذ القرار بإنقاص وزنها ونجاحها بخسارة 4.5 كجم حتى الآن. وهو ما تسبب بالسخرية منها في ظل وجود عدد كبير من الأشخاص الذين نجحوا في انقاص وزنهم بشكلٍ أكبر بتوقيتٍ أقل منها.
الأمر الذي دفعها لترد كاتبة: "أيوه فى مشاكل أهم وأعمق من المشكلة بتاعتي اللى تناولتها النهاردة الأستاذة منى الشاذلى، ولكن خلينا نشوفها بشكل تانى، ليه منقولش إن تجربتي دي ممكن تبقى حافز لناس كتير نفسها تخس و ظروفها المعنوية أو المادية مش مساعداها خصوصا أن الدكتور وافق انه ينزل الأنظمة الغذائية كاملة دون أى مقابل".
وأضافت: "ليه منقولش إن دي تجربة فعلية تخلي الناس اللي بيتضحك عليها باسم عمليات التكميم وتحويل المسار وبيبقى عندهم استعداد يبيعوا دهبهم ويعملوا جمعيات عشان يعملوا العملية مع إن من الممكن منضرش صحتنا و نخش أوض عمليات ونعمل دايت وتخس ومنتكلفش كل الفلوس دي"، وأردفت: "ليه الحلقة دي متكونش بتهون على كل واحدة لسه مخلفة ووزنها زايد وعندها اكتئاب وبتوريها إنها مش لوحدها اللى بيحصلها كدة واني كممثلة لا أتميّز عنها بشيء سوى الإرادة وأشجعها تبدأ معايا".
واختتمت ردها: "بلاش هجوم بلا داعي، أنا مش هقدر أحلّ مشاكل الكون ولا مشكلة الغلاء، ‏لكن ممكن أكون مصدر إلهام لبنات كتير وأساعدهم على الوصول لحلم صغير، لأن هو ده اللى هقدر عليه".

وكانت حملات السخرية من أيتن قد جعلتها تتصدر مواقع التواصل الإجتماعي أمس، علماً أنها أعلنت عن اتخاذ القرار المشترك مع زوجها لاستعادة وزنهما الطبيعي. مشيرةً إلى أن الملابس التي ارتدياها في الخطوبة لم تعد مناسبة لهما، وهما ويرغبان بالعودة لنفس المقاسات.