"إيلاف" من القاهرة: إحتفلت الفنانة بشرى بيوم المرأة المصرية من خلال طرح أغنيتها الجديدة "الست الشاطرة" عبر YouTubeوصفحاتها على مواقع التواصل الإجتماعي. وهي من كلمات رمضان محمد وألحان نوري عيد، فيما قام بتوزيعها باسم منير.
وتقول كلماتها:
أنا احب الست الشاطرة اللى تبقى فاهمه الحياه
وحقها م الدنيا تاخده تالت ومتلت
وبحب الست الشاطره الى بتفهمها وهى طايره
وابصم ليها كمان بالعشره انها اجدع ست
وحبيبها تحطه ف جيبها ومايقدرش انه يسيبها
وقبل مايجى ف باله يتعبها تصرخ تقوله زهقت
انا احب الى تحب اللى يحبها واللى يصدها لا
وتبقي تقيله ومش بسهولة قلبها مره يدق
انا احب الست تبقي قويه وفاهمة الدنيا كده شخصيه
محدش يقدر يلوي دراعها وجدعه قوى وعناديه
وتحت اى ظروف بتفوت ومحدش يقدر يكسر عينها
وساعات تبقي بمليون راجل وساعات دلوعه وشقيه
الست دى نص الدنيا وغلطان اللى فاكرها هافيه
ولازم تبقي شوكتها قويه عشان حقها ميضعش
وياويلك من قلبتها ياللى مبتعرفش قيمتها
دى داهية وليها طريقتها بس تمللى مبتبينش
لمناسبة يوم المرأة المصرية