"إيلاف" من القاهرة: ارتدت الفنانة سارة عبد الرحمن فستاناً اشترته من منطقة وكالة البلح في وسط القاهرة التي تشتهر بأنها اكبر سوق للملابس المستعملة في العاصمة – سوق الباله- وظهرت به في حفل ختام مهرجان القاهرة السينمائي الدولي بدورته الأربعين.
وكتبت سارة التي عرفها الجمهور من خلال مسلسل "سابع جار" عبر صفحتها على "فيسبوك": "من أكتر الحاجات الممتعة في شغلي هي فرصة إني أتعامل مع مصممين أزياء و ستايليستس شاطرين للتعبير عن نفسي من خلال اللبس، بس لحفل ختام مهرجان القاهرة اخترت إني البس فستان اشتريته من وكالة البلح (حتة الهدوم المستعملة) ب ٣٧٠ جنيه".
وأضافت "تقليل الاستهلاك من الحاجات الشخصية اللي باقدر اعملها عشان احافظ على البيئة.. يعني باوزع اللي مش باستخدمه، مابشتريش غير اللي محتاجاه و لو اشتريت.. اشتري مستعمل، مش حاجة متصنعة جديد اتصرف عليها فلوس كتير و صنّعها عمال في ظروف غير آدمية. فيه فكرة كدة ان ممكن يُعتبر "عيب" مثلا ان الواحد يلبس حاجة مستعملة. بس انا حبيت اثبت (لنفسي أولا) ان من السهل اني الاقي حاجة مستعملة لائقة للمناسبة و في نفس الوقت مستدامة/صديقة للبيئة.بالتأكيد مش باقدر اعمل كدة طول الوقت زي ما باتمنى بس اهو اديني باخد خطوات صغيرة، شكر خاص لأحمد سرور و صالون الصغير و كايروزوم".
وفي التعليقات تعرضت سارة لبعض الانتقادات خاصة وان السعر الذي اعلنت عن شراء الفستان فيه حوالي 23 دولار لكنه اقل بكثير من كلفة ارتياد صالون تزيين النساء الذي يشتهر بارتفاع اسعاره!