: آخر تحديث

أسماء شريف منير تعترف بفسخ خطوبتها

91
94
95

"إيلاف" من القاهرة: قطعت الفنانة أسما شريف منير الشك باليقين بعد استمرار الجدل حول حقيقة فسخ خطوبتها، فأعلنت انفصالها عن الممثل الشاب محمود حجازي بعد أشهرٍ من إعلانهما الخطوبة رسمياً. حيث نشرت خبراً أنها أصبحت "عزباء" مجدداً، لكنها سارعت بحذفه بعد دقائق، فيما نفى حجازي خلال تواجده على الهواء عبر برنامج "مساء dmc" خبر انفصالهما مؤكداً على أنه غير صحيح خاصةً وأنه كان يحتفل بنجاح دوره في مسلسل "أبو العروسة".
إلا أن اسما، عادت وكتبت عبر صفحتها على "فيسبوك" أمس ما يؤكد الإنفصال بعد أن ألغيا متابعة كل منهما للآخر عبر "إنستغرام". علماً بأنها حذفت الصور المشتركة بينهما في وقتٍ سابق.
وكتبت في تدوينتها: "طيب الموضوع اتقال فيه كلام كتير وانا بعترف إني سبب اللخبطة دي، الرجالة مبتعملش الحاجات اللي احنا كستات بنعملها، اللي هو أزعل انزل post القح بيه عليه قال يعني مش ليه و كل الرجالة بتكره الحركة دي وانا بس دلوقتي بعترف إنهم عندهم حق. غير بقي اني بنسي موضوع الأخبار ده فا التلقيح او كلام الزعل بالنسبالي بينتشر و كل حد بيقول رأيه بكل قسوة، الموضوع فعلاً في الاخر اتنين حبوا بعض وارطبتوا قدام الناس كلها  مشينا في مشوار خطوبتنا زي اَي اتنين، كبرنا مع بعض و بِينَا حاجات كتير حلوة و برضه زي اَي اتنين حصل بينهم مشاكل و طبعاً إنتوا عرفين التسرع الله يخرب بيته فا لما كان في عدم اتفاق من فتره نزلت post ومسحته علطول عشان كان وقت عصبيه وكان لسه في أمل بس من ساعتها وفي توتر الناس قالت كلام كتير وحش وكملنا واكتشفنا انه في عدم اتفاق مش عشان ان حد وحش ولا موقف ولا حاجة لحد ما أخدنا القرار بس مكناش اتفقنا علي اعلان ده امتي فا انا نزلت و أعلنت ده بس في توقيت غلط مني بكل صراحة انا لازم أكون امينه في ده".
وأضافت عموماً هو محصلش نصيب بس احنا بنحترم بعض حجازي إنسان محترم جداً و بتمناله السعادة و النجاح احنا بِينَا عشره طيبة و نجاحات وحب وأكيد خير لينا.هو ده الموضوع بكل بساطة..ممكن بقي منتكلمش فيه تاني لو سمحتوا، انا اتعلمت درس كبير ان الخصوصيات مش للنشر والحسد برضه مذكور في القران لسبب، الحمد لله بس كده وشكراً .." وعلى ما يبدو، فإنها عادت وألغت هذه التدوينة أيضاً، أو أوقفت حسابها على "فيسبوك".


عدد التعليقات 0
جميع التعليقات المنشورة تعبر عن رأي كتّابها ولا تعبر بالضرورة عن رأي إيلاف
لم يتم العثور على نتائج


شروط النشر: عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

في ترفيه